Երեք զինծառայողների մոտ կորոնավիրուսի հայտնաբերմամբ պայմանավորված, մարտական խնդիրներում չընդգրկված նույն զորամասի 32 զինծառայողներից, այնուհետև ևս հինգից նախօրեին կորոնավիրուսային հիվանդության առկայության թեստավորման համար կատարվել էր նմուշառում:
Թեստավորման արդյունքում երկու զինծառայողի մոտ ախտորոշվել է կորոնավիրուս, 35 զինծառայողի թեստավորման արդյունքը բացասական է: Հաստատված դեպքերը փոխկապակցված են տվյալ զորամասում գրանցված առաջնակի դեպքի հետ: Զինծառայողները հոսպիտացված են, նրանց առողջական վիճակը գնահատվում է բավարար։ Երկու զինծառայողներն էլ նախապես մեկուսացված էին։
Հինգ վարակված զինծառայողներից ոչ մեկը չունի թոքաբորբ, մեկի մոտ առկա է թույլ արտահայտված ջերմություն, մյուս չորս զինծառայողները բացարձակ չունեն հիվանդությանը բնորոշ ախտանիշներ։
Զինծառայողների հետ սերտ շփում ունեցածները շարունակում են մնալ մեկուսացված հատուկ առանձնացված տարածքում, որն ապահովված է կենցաղային անհրաժեշտ պայմաններով լիարժեք մեկուսացման համար։ Մեկուսացված զինծառայողներին մատուցվում է բարձրակարգ սնունդ։
ՀՀ պաշտպանության նախարարությունը, ըստ անհրաժեշտության, պարբերաբար տեղեկություններ կտրամադրի զինված ուժերում կորոնավիրուսի ներթափանցման և տարածման դեմ տարվող պայքարի և և ընթացիկ վիճակագրության մասին։
Հորդորում ենք հետևել միմիայն պաշտոնական տեղեկատվությանը։ Զինված ուժերում արվում է առավելագույնը վիրուսի դեմ պայքարելու համար։
ՀՀ պաշտպանության նախարարություն / MoD of the Republic of Armenia
https://www.facebook.com/ArmenianUnifiedInfoCenter/photos/a.286192515550016/659946694841261/?type=3&__xts__%5B0%5D=68.ARBY6sxbWkDlwu7oH-UGMi6CJmvmA7YqW3nZypnNGgWPj5gflslxAJwHPkzK75_yufSvGw7FJkiUgVEmsU6p9zjrtN-paO51P7QYC852Hw9Z6_apQTkHYlGwKngN-tn_s1oY-cyCaHt9VPL3Zug3uRROdXiS1unPvVwFU6npG9ZxztZBtDHyVgVSsqDNXY0e7snyOZI6LwJxNckfytPZ3XRUxoNCjE22LC6e_H_vZ6xVb2mJo2qxsU5mmz4y1tItb0bIEGuyH-HTIV7Fw_1imKi6WX2vxQ5HmC3WfekLtUZCpKkQzD1aiFIgfAKEo6KQSzz1mUJw7xbDr2aS45KBJXg&__tn__=-R