Արցախի Հանրապետության առողջապահության նախարարությունից տեղեկացնում են, որ այս պահի դրությամբ, նոր թեստավորումներ չեն իրականացվել:
Երեկվա ընթացքում կորոնավիրուսի վարակով հաստատված քաղաքացին Շահումյանի շրջանի Քարվաճառի բուժմիավորումից այս պահին տեղափոխվում է Շուշիի բուժմիավորում:
Նրա ընտանիքի 5 անդամները, ովքեր մինչ այս պահը ինքնամեկուսացված էին, տեղափոխվելու են մեկուսացման համար առանձնացված հաստատություն. նրանց առողջական վիճակը գնահատվում է բավարար, հիվանդությանը բնորոշ ախտանիշներ չկան:
Կեղծ և չստուգված լուրերից խուսափելու համար, կրկին կոչ ենք անում հետևել պաշտոնական լրահոսին, որը ներկայացվում է Արցախի Հանրապետությունում ձևավորված նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբի միջոցով:
https://www.facebook.com/ArtsakhInformation/photos/a.104748431165946/126711465636309/?type=3&__xts__%5B0%5D=68.ARBQlslOBL5ZrU3fFv4jtQ-fBnPSrXWR7lnLEHaAQZm7hI8FmdU7GF1ifZb2PSuu5zbV7llyO5ecf-YyowC10fn5ADUs7grPEU0HOLmKVS0-TG2rYo37xleNE24V96dHtBZJOrw8jytNSykSRRf4rzrtBN2Ig3luQb3cvEgkVnxV23FSVy6EjxMw67CVROvfFsodzNlcmwpeYcKEQBdJ0nAfZRgTUj35MKxlkx6DZdec4kn5AVyq9ty1-QXZEYkMlz7MVB-XCNCN4e98kA5JN9SlyDvEYs-SyCVzCYeG0iql-fWqUx72L3rhCsg-8Uerhr23PNcEpNoPl_-4ae9Ly2VyGXWOL7qNNusuf6AXnalW0qF5Pd5rfg&__tn__=-R