Թուրքիայի Կոնյա քաղաքի տարեց բնակիչ Ռահմի Քարադեմիրը վիրահատությունից և դրան հաջորդած զարկերակի խցանումից հետո մոռացել է իր մայրենի թուրքերենը և տասը տարվա ընթացքում առաջին անգամ սկսել է խոսել միայն դանիերեն, հաղորդում է Anadolu գործակալությունը։
Գործակալությունը հայտնել է, որ բժիշկներն անցյալ շաբաթ ծնկի վիրահատություն են կատարել յոթ երեխաների 67-ամյա հոր վրա: Երկու օր անց տղամարդու աջ ձեռքն ու ոտքը կաթվածահար են եղել, և նա դադարել է խոսել։
«Բժշկական զննումից հետո պարզվել է, որ Կարադեմիրի ուղեղի մեծ զարկերակը խցանված է։ Բժիշկներն անմիջապես հեռացրել են արյան մակարդուկը… տղամարդու գանգատները մեծ մասամբ անհետացել են, բայց նա հանկարծ սկսել է դանիերեն խոսել՝ չկարողանալով ոչինչ ասել թուրքերեն», — հաղորդել են լրատվամիջոցները։
Քարադեմիրը 20 տարի ապրել է Դանիայում, որից հետո վերադարձել է Կոնիա, որտեղ ապրել է արդեն տասը տարի։
Քոնիայի Սելչուկ համալսարանի բժշկական ֆակուլտետի բժիշկ Գյոխան Օզդեմիրը գործակալությանը հայտնել է, որ նման դեպքեր նկարագրվել են բժշկական գրականության մեջ, բայց հազվադեպ են լինում։
«Կան դեպքեր, երբ զարկերակի խցանումից կամ արյունահոսությունից հետո հիվանդը մոռանում է լեզուները կամ սկսում է խոսել այնպիսի լեզուներով, որոնցով չի խոսում։ Որոշ դեպքերում երկու լեզու իմանալը (միջադեպից առաջ) առավելություն է հիվանդի վերականգնման համար», — նշեց Օզդեմիրը։
Բժիշկն ակնկալում է, որ Քարադեմիրը շուտով կրկին թուրքերեն կխոսի։
«Ես հասկանում եմ թուրքերեն, բայց ոչինչ չեմ կարող ասել դրանով։ Հիշողության հետ կապված խնդիրներ կան, Աստված տա, որ այս խնդիրը լուծվի։ Ես դանիերեն եմ մտածում, բայց թուրքերեն ոչինչ չեմ կարող ասել», — թարգմանչի միջոցով գործակալությանը ասել է հիասթափված Քարադեմիրը։