Սաուդյան Արաբիան արգելել է Մեքքա մուտք գործել ավելի քան 269 000 մարդու, որոնք չունեն ամենամյա հաջի ուխտագնացության թույլտվություններ, հայտնում է Al Arabiya-ն՝ հղում անելով տեղի իշխանություններին։
Երկրի կառավարությունը հայտարարել է հաջի ժամանակ քաղաքի գերբեռնվածության մասին՝ չարտոնված մասնակիցների պատճառով։
Ըստ հայտարարության, նրանք կազմել են անցյալ տարվա ուժասպառ անող ամառային շոգի ժամանակ զոհվածների մեծ թիվը։ Արտաքսման դեպքերի թիվը վկայում է չարտոնված ուխտագնացությունների մասշտաբների, ինչպես նաև հաջ կատարելու պահանջների մասին։
Ներկայումս Մեքքայում պաշտոնապես բնակվում է 1,4 միլիոն մուսուլման, և սպասվում է, որ առաջիկա օրերին էլ ավելի շատ մարդ կժամանի։ Նրանց համար, ովքեր առանց թույլտվության հաջ են կատարում, նախատեսված են տուգանքներ՝ մինչև 5000 դոլար և այլ պատժիչ միջոցներ, ինչպիսին է արտաքսումը։
Այս քաղաքականությունը տարածվում է նաև Սաուդյան Արաբիայում բնակության իրավունք ունեցող քաղաքացիների և անձանց վրա։ Մեքքայում կայացած մամուլի ասուլիսում պաշտոնյաները հայտարարել են, որ արգելել են քաղաք մուտք գործել 269 678 մարդու, որոնք թույլտվություն չունեն։
Կանոնների համաձայն՝ ուխտագնացություն կատարել թույլատրվում է միայն նրանց, ովքեր թույլտվություն ունեն, նույնիսկ եթե նրանք ամբողջ տարին ապրում են քաղաքում։ Պաշտոնյաները նաև տուգանքներ են սահմանել ավելի քան 23 000 Սաուդյան Արաբիայի բնակիչների համար՝ հաջի կատարման կանոնները խախտելու համար և հետ են կանչել 400 հաջի ընկերությունների լիցենզիաները։