Հռոմի պապ Լևոն XIV-ը կիրակի օրը կոչ է արել հավատացյալներին աղոթել խաղաղության համար այն տարածաշրջաններում, որոնք տուժում են հակամարտություններից՝ հատուկ ուշադրություն դարձնելով Ուկրաինային, Մերձավոր Արևելքին և այլ վայրերի, որտեղ մարդիկ տառապում են պատերազմի հետևանքով, հաղորդում է Vatican News-ը։
Սուրբ Պետրոսի հրապարակում «Angelus» աղոթքից հետո իր ելույթում Հռոմի պապը ուշադրություն է դարձրել Ուկրաինայում շարունակվող տառապանքներին՝ նշելով, որ «նույնիսկ այս օրերին Ուկրաինան շարունակում է ենթարկվել անողոք հարձակումների, ինչի հետևանքով մարդիկ մնում են անպաշտպան ձմեռային ցրտի դեմ»։
«Ես տխրությամբ հետևում եմ տեղի ունեցողին, մոտ եմ նրանց, ովքեր տառապում են, և աղոթում եմ նրանց համար», — ասել է նա։
Ըստ Հռոմի պապի, երկարաձգվող հակամարտությունը «բերում է քաղաքացիական բնակչության համար ավելի ու ավելի լուրջ հետևանքների, խորացնում է ժողովուրդների միջև պառակտումը և ավելի է հեռացնում արդար ու կայուն խաղաղությունը»։
«Ես կոչ եմ անում բոլորին ակտիվացնել իրենց ջանքերը պատերազմի դադարեցման համար», — ասել է նա։