Գիշերվա ընթացքում Ստեփանակերտից Երևան տեղափոխել ենք հեմոդիալիզի կարիք ունեցող Արցախի քաղաքացիներին: Էկոնոմիկայի նախարարությունն ապահովել է քաղաքացիների կացության համար բարձրակարգ հյուրանոց, մեր կողմից կազմակերպվել է ծրագրային հեմոդիալիզի ծառայության մատուցման հնարավորությունը: Բնականաբար, կացությունը հյուրանոցում, սնունդը, տեղափոխումը հյուրանոցից հիվանդանոց և բժշկական օգնությունն անվճար է՝ պետական ֆինանսավորման ներքո:
Արցախի Հանրապետության այն քաղաքացիները, ովքեր ինքնուրույն տեղափոխվել են ՀՀ տարածք և ունեն հեմոդիալիզի կարիք, կարող են դիմել առողջապահության նախարարություն: Մեր կողմից անհապաղ կկազմակերպվեն թե կացության հարցերը Երևանում, թե պատշաճ բժշկական օգնությունը:
Հարցերի դեպքում կարող եք զանգահարել առողջապահության նախարարության «թեժ գիծ» ծառայություն` 8003 հեռախոսահամարով:
https://www.facebook.com/alina.nikoghosyan/posts/2988028487965591?__cft__[0]=AZXns7o6Vh8NHjubmMU9jWLG4YijPUxW0M9SywBEnhD0StM0WpeU_kd3XFYRN1iWVh9yaRyfWauK_Z1vtR9IJs0aemmJdff6j-kQsXSzCl-muho6BLcyQgklN-lhNFfuDfqIBGSJ7ERm0lprRXhj5FmdnB0eGxx7ny62XEE8CoIpwMAqf9AshMwsP6VBYmBFr_iyQ6HD6xN8ZmPeDi-r1ms7YHVDsVqtnJb5zTFiuzE6Uq-GzgDcW6k1coF8V4hnPZM&__tn__=%2CO%2CP-y0.g-R