Պատերազմող կողմերի միջև թյուրիմացություններից խուսափելու համար մենք անմիջական կապի մեջ ենք Իսրայելի հետ, Իսրայելի հետ մեր հիմնական խնդիրը Գազան է, Հորդանան գետի արևմտյան ափը և Ալ-Աքսա մզկիթը։ Դրա մասին հայտարարել է Թուրքիայի արտգործնախարար Հաքան Ֆիդանը։
«Մենք մտադիր չենք որևէ մեկի հետ հակամարտության մեջ մտնել, բայց նաև չենք կարող անտարբերորեն հետևել Սիրիայում ցանկացած անկարգություններին, գործողություներին կամ սադրանքներին, որոնք սպառնալիք են Թուրքիայի համար։
Իսրայելը ռազմավարություն ունի՝ ոչինչ չթողնել Սիրիայում նոր կառավարությանը: Դեկտեմբերի 8-ից Իսրայելը պարբերաբար հարվածներ է հասցնում ՝ ինչպես ցամաքային, այնպես էլ օդային կանոնավոր բանակներին պատկանող բոլոր ենթակառուցվածքներին: Ռազմածովային բազաները, ավիաբազաները, ամեն ինչ հարձակման տակ է։ Սիրիայում մենք հայտարարագրված բազաներ չունենք. Եվ մենք էլ թվեր չենք հայտնում։ Եթե Սիրիան՝ որպես անկախ պետություն, մեզ հետ ռազմական պայմանագիր կնքի, մենք պատրաստ ենք աջակցություն ցուցաբերել նաև այս դեպքում»,-ըստ թուրքական լրատվամիջոցների՝ նշել է Ֆիդանը։