Իտալիայում հայտնի են դարձել մանրամասներ, որոնք ավելի շուտ ֆիլմի սյուժե են հիշեցնում։ Երկու տղաների՝ 9 և 6 տարեկան, գտել են արտաքին աշխարհից լիովին կտրված վիճակում։ Ըստ իտալական ԶԼՄ-ների, նիդերլանդացի հայրը կորոնավիրուսի հանդեպ վախի պատճառով նրանց թաքցնում էր Թուրինի մոտակայքում գտնվող անտառում՝ լքված ֆերմերային տանը։
Երեխաները դպրոց չեն հաճախել, բժիշկների մոտ չեն գնացել և նույնիսկ, ինչպես հաղորդվում է, չեն կարողացել նորմալ խոսել։ Հայտնաբերելու պահին երկուսն էլ տակդիրներով են եղել։ Այժմ իտալական իշխանությունները պահանջում են նրանց վերցնել հորից և հանձնել խնամատար ընտանիքի։ Քննիչների կարծիքով, գրում է Corriere della Sera թերթը, հայրը «տարված էր կորոնավիրուսով և ապրում էր այն վախով, որ երեխաները կարող են վարակվել»։
Ինքը՝ հայրը, 46-ամյա Ֆրեդերիկը, իր մեղքը հերքում է, հայտնում է Bild-ը։ Նա ասում է, որ երեխաները երջանիկ են եղել, պոնի և դահուկ են քշել, իսկ ուսումն անցել են անգլերեն և իտալերեն։ Ըստ նրա, նա գումար է վաստակում Գերմանիայում և Նիդերլանդներում անշարժ գույք վարձով տալով, ինչպես նաև ստեղծագործական աշխատանքով։
Ամենայն հավանականությամբ, ընտանիքը Գերմանիայից Իտալիա է տեղափոխվել երեք տարի առաջ, ընդ որում, երկու տղաների մայրը՝ ծնունդով Մարոկկոյից, իրավիճակը ոչ մի կերպ չի մեկնաբանում։