Կենսաթոշակների և նպաստների վճարման ուշացում չի լինի, դրանք կհասցվեն շահառուի բնակության վայր:
Կենսաթոշակների և նպաստների տրամադրման բնականոն գործընթացն ապահովելու նպատակով՝ ՀՀ աշխատանքի և սոցիալական հարցերի նախարարությունը բանակցություններ է վարում «Հայփոստ» ՓԲԸ-ի հետ այն մասին, որ ընկերության աշխատակիցներն անձամբ այցելեն շահառուներին՝ կանխիկ եղանակով ստացվող կենսաթոշակները և նպաստները նրանց բնակության վայր հասցնելու նպատակով: «Հայփոստ»-ի բաժանմունք այցելելու անհրաժեշտություն չկա։
Բացի այդ, նախապատրաստվել և շրջանառվում է նախագիծ՝ համաձայն որի, եթե կենսաթոշակի և նպաստների բնագավառում որոշակի գործողություններ կատարելու ժամկետները լրանում են 2020 թվականի մարտ և ապրիլ ամիսներին, ապա համապատասխան պարտականությունը կատարելու ժամկետը, իրավունքի ուժով երկարաձգվում է մինչև 2020 թվականի մայիսի 31-ը։ Սոցիալական ապահովության ծառայություններ այդ նպատակով այցելելու անհրաժեշտություն չկա։
Նախագծով առաջարկվում է նաև երկարաձգել կենսաթոշակի համար բանկ ներկայանալու ժամկետը, եթե այն լրանում է մինչև ս.թ. ապրիլի 30-ը և կենսաթոշակառուն գտնվում է Հայաստանի Հանրապետությունում: Այս նպատակով բանկ ներկայանալու անհրաժեշտություն չկա։
https://www.facebook.com/ArmenianUnifiedInfoCenter/photos/a.286192515550016/653126552189942/?type=3&__xts__%5B0%5D=68.ARB5wFGZRokHT8FVzpoda1r7A5C3oDM2AIFoYdv75EAtNzM3jyAnvfu3eefFkMeyV990-SfnapEWpVh1js8SKdZ8hHUSE9goAfw6BAfGaF6AXN_DSZYkAfUw-3UixBApu7HVOvzd70NYAXhL6R-tZ6VPmsJoTaZTeaG8-igESEPc778LiSdYZZARZ5CZQuprZ6cCPCAvYR1VHFV6Sb3KpTsSEzq8vElWJgDpWjglyOdOQ2QWkqQr0xbRAayOSYl4m58XSOZ9YCLhjDVnQkIDxlsnqTDbFwWuhdKFCSVnVmbTwKSwhJ7-FLXKjH7LdpqLGJu9Or5egebxvFsAZfVTmp6gmhIIb21qMii_imV59ExukZ9mFM4GfQ&__tn__=-R