ՀՀ Կոտայքի մարզի Առինջ համայնքի ավագանուն հրաժարականի դիմում է ներկայացրել համայնքի ղեկավար Գագիկ Սարգսյանը` տեղեկացնում է Կոտայքի մարզպետարանը:
«Ղեկավարվելով «Տեղական ինքնակառավարման մարմնի մասին» օրենքի 18-րդ հոդվածի 1-ին մասի 14-րդ կետի և 26-րդ հոդվածի 1-ին մասի 1-ին կետի պահանջներով, ինչպես նաև հիմք ընդունելով Առինջ համայնքի ղեկավար Գագիկ Սարգսյանի դիմումը՝ Առինջ համայնքի ավագանին 2020 թվականի հուլիսի 23-ի որոշմամբ վաղաժամկետ դադարեցրել է ՀՀ Կոտայքի մարզի Առինջ համայնքի ղեկավար Գագիկ Սարգսյանի լիազորությունները:
Արտահերթ նիստի ընթացքում ավագանին արձանագրել է հրաժարականը և օրենքով սահմանված կարգով դիմել Կոտայքի մարզպետին:
Մարզպետը սահմանված ժամկետում, համաձայն «Տեղական ինքնակառավարման մարմնի մասին» օրենքի 26-րդ և 27-րդ հոդվածների, կնշանակի համայնքի ղեկավարի պաշտոնակատար՝ մինչև համայնքի ղեկավարի արտահերթ ընտրություն։
Հիշեցնենք, որ Գագիկ Սարգսյանը Առինջ համայնքը ղեկավարում էր 2002 թվականից՝ շուրջ 18 տարի»,- նշված է մարզպետարանի հաղորդագրության մեջ:
Հիշեցնենք՝ հունիսի 14-ին ԱԱԾ-ն հաղորդագրություն էր տարածել՝ տեղեկացնելով, որ Առինջի համայնքապետարանի պաշտոնատար անձանց վերաբերյալ հարուցվել է քրեական գործ՝ համայնքի հողերն ապօրինի օտարելու կապակցությամբ:Արդեն հունիսի 26-ին ԱԱԾ-ն տեղեկացրել էր, որ բացահայտվել է Առինջ համայնքին շուրջ 4 միլիարդ դրամ եկամտի հնարավորությունից զրկելու դեպք: Հունիսի 19-ին Քննչական կոմիտեն մեկ այլ քրեական գործով պաշտոնեական լիազորությունները չարաշահելու համար մեղադրանք է առաջադրել Առինջ համայնքի ղեկավարին:
https://www.facebook.com/2059437317711613/photos/a.2062712394050772/2679646599024012/?type=3&__xts__%5B0%5D=68.ARB-89UEYEq-b2mXoNXstKQD0yqg_lzUTXCb5mOAotIobNZNEC_T2trPdALHNuBuEjJwvPPoQUHPO81H7BJdXYsldVH_Ziso0zbRTf7GMBE6O7NcJN4wS_ly_WZjZLCh4FkIg41pFj3HZBwfYw2xZSoOwyEkSLyC7xiVyx_j4RGJQXAJda0H9adqQ83pHF2tJcSN5SkKK7JkLLku2fPIgcfJm8jznXt6qYKuK47_V3T36SzfOHqvPDn0zbuEOGyRfDKGSowkdx2fbSrqcv_97_IN3emN5AiX5EkR3i-oVGqDaUUfpF_dJwoghdI5m3B9urUxM2gjURG9ppiA54kHD_w_h1a_&__tn__=-R