Առաջնագծում մարտնչող զինծառայողների արիության և հերոսության օրինակներ
Սեպտեմբերի 28-ին պաշտպանության գոտու «Հովազ-1» մարտական դիրքի անձնակազմը` դիրքի ավագ, կրտսեր սերժանտ Հայկ Սմոյանի գլխավորությամբ, մարտի մեջ է մտել հակառակորդի գրոհող խմբերի դեմ և դիմագրավել նրանց` պատճառելով կորուստներ:
Գնահատելով ստեղծված իրադրությունը` կրտսեր սերժանտ Հայկ Սմոյանը որոշում է կայացրել մարտնչող անձնակազմին զբաղեցնել դիրքում առկա թաքստոցները:
Անձամբ իրականացնելով տեղանքի հետախուզում, միևնույն ժամանակ գնահատելով իրադրությունը, նա թույլ է տվել հակառակորդի զինծառայողներին ներթափանցել դիրքի տարածք:
Այնուհետև ծածուկ գործողությունների շնորհիվ շրջափակման մեջ է վերցնում հակառակորդին և իր գրագետ ու հմուտ գործողությունների արդյունքում կազմակերպում է գրոհ, որի ընթացքում հակառակորդը դիրքի տարածքում թողնելով 9 զինծառայողի դի` հետ է շպրտվում:
https://www.facebook.com/shushanstepanyan/posts/3296384330397704?__cft__[0]=AZV6ay2coug0YV1Mpn6vU81JmnjDUXmSZ4znJknTbhftRWV1D7psum1vi2429MIcyW5g8gmL3p6BnpCBggi-VkkYtdMzy4I4LKxKuKyK3Biyd1hWl5Bdca3Djo7ql940p2wfnxce8fSmn8vKe2zRllHKy4XAvJZK-_yriNSePeg84Q&__tn__=%2CO%2CP-y0.g-R