Միլիոնատերերի թվով աշխարհի քաղաքների ցանկը հերթական անգամ գլխավորել է Նյու Յորք քաղաքը՝ նախորդ տարիների նման զբաղեցնելով առաջին հորիզոնականը։ Դրա մասին ասված է Henley&Partners-ի զեկույցում, որը պատրաստվել է New World Wealth վերլուծական ընկերության հետ համատեղ։
Հաղորդվում է, որ Նյու Յորքում ապրում է 384,5 հազար միլիոնատեր, ինչը 45%-ով ավելի է, քան տասը տարի առաջ, հայտնում է TSN-ը։ Դա հաստատում է քաղաքի կարգավիճակը՝ որպես համաշխարհային ֆինանսական կենտրոն։ Ամենաուշագրավն այն է, որ Նյու Յորքի բնակիչների մեջ կա 818 մարդ, որոնց ունեցվածքը գերազանցում է 100 միլիոն դոլարը։
Միլիոնատերերի համար երկրորդ ամենախոշոր մետրոպոլիայի տարածքը Սան Ֆրանցիսկոյի ծովածոցն է, ներառյալ հենց Սան Ֆրանցիսկոն և Սիլիկոնյան հովիտը: Վերջին տասը տարիների ընթացքում այս ոլորտում միլիոնատերերի թիվը գրեթե կրկնապատկվել է՝ 98%-ով՝ հասնելով 342,4 հազար մարդու։
Սակայն միլիոնատերերի ռեկորդային աճը գրանցվել է Չինաստանի քաղաքներում։ Շենժենը (142%) և Հանչժոուն (108%) խոշոր կարողություն ունեցող անհատների թվի արագ աճ են գրանցել:
Դուբայը, որը նույնպես տպավորիչ արդյունքներ է ցույց տվել, վարկանիշում բարձրացել է 18-րդ հորիզոնականը. այսեղ միլիոնատերերի թիվը հասնում է 81,2 հազարի։