Շվեյցարական Ալպերի Այգեր լեռան վրա ձնահոսքի հետևանքով թաղված մի քանի մարդկանց գտնելու համար փրկարարական գործողություն է իրականացվում, հաղորդում է BBC News-ը։
Բեռնի կանտոնալ ոստիկանության կողմից սոցիալական ցանցերում տեղադրված հայտարարության մեջ ասվում է, որ ձնահոսքը տեղի է ունեցել շաբաթ օրը՝ տեղական ժամանակով մոտավորապես կեսօրին։
Նրանք ասել են, որ սկսել են լայնածավալ գործողություն, որին մասնակցել են մի քանի փրկարարական խմբեր, որոնք փնտրում են մարդկանց։ Այգերը 3967 մ բարձրությամբ գագաթ է, որը գտնվում է Գրինդելվալդի, Լաուտերբրունենի և Վենգենի զբոսաշրջային հանգստավայրերի մոտակայքում։
Այգեր լեռան հյուսիսային լանջը հայտնի է լեռնագնացների շրջանում և ունի աշխարհի ամենադժվար լեռնագնացություններից մեկի համբավ։