ԱՄՆ-ը հրամայել է Բեյրութում ԱՄՆ դեսպանատնից հեռացնել ոչ հիմնական դիվանագետներին և նրանց ընտանիքներին, երկուշաբթի օրը հայտարարել է Պետքարտուղարության պաշտոնական ներկայացուցիչը։ Որոշումն ընդունվել է Իրանի հետ լարվածության աճի և հնարավոր անհապաղ ռազմական հարվածի սպառնալիքի ֆոնին։
Քանի որ որոշումը դեռևս պաշտոնապես չի հայտարարվել պաշտոնյան անանունության պայմանով նշել որ տարածաշրջանային իրավիճակի շարունակական գնահատումը ցույց է տվել, որ «խելամիտ» կլինի կրճատել դեսպանատան ներկայությունը՝ տեղում թողնելով միայն հիմնական անձնակազմը։
Պաշտոնյան ընդգծել է, որ դա ժամանակավոր միջոցառում է, և որ դեսպանատունը կշարունակի գործել։
ԱՄՆ-ի և Իրանի միջև լարվածությունը սրվել է, քանի որ Դոնալդ Թրամփը կուտակել է տարածաշրջանում տասնամյակների ընթացքում խոշորագույն ռազմական ներկայությունը և բազմիցս սպառնացել է միջոցներ ձեռնարկել, եթե Թեհրանը չհամաձայնվի իր միջուկային ծրագիրը սահմանափակելու գործարքի հետ։
Տարածաշրջան է տեղակայվում երկրորդ ավիակիրը՝ միանալով ամերիկյան ռազմանավերի և ինքնաթիռների ուժեղացմանը։ Դա հանրապետական նախագահին մի քանի հնարավոր տարբերակներով հարված հասցնելու հնարավորություն է տալիս, նույնիսկ եթե բանակցությունները շարունակվեն։
Օմանի արտգործնախարար Բադր ալ-Բուսաիդին հայտարարել է, որ ԱՄՆ-ը և Իրանը պլանավորում են միջուկային բանակցությունների հաջորդ փուլն անցկացնել հինգշաբթի Ժնևում։